2 പേർക്ക് കോവിഡ്-19 സ്ഥിരീകരിച്ചു; 8 പേർക്ക് രോഗമുക്തി
ഇനി ചികിത്സയിലുള്ളത് 96 പേർ ;
ഇതുവരെ രോഗമുക്തി നേടിയവര് 400 ;
പുതിയ ഹോട്ട് സ്പോട്ടില്ല
തിരുവനന്തപുരം: സംസ്ഥാനത്ത് ശനിയാഴ്ച (മെയ് 2) 2 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന്. വയനാട്, കണ്ണൂര് ജില്ലകളിലുള്ളവര്ക്കാണ് രോഗം സ്ഥിരീകരിച്ചത്. വയനാട് ജില്ലയിലുള്ളയാള് ചെന്നൈയില് നിന്നും വന്നതാണ്. കണ്ണൂര് ജില്ലയിലുള്ളയാള്ക്ക് സമ്പര്ക്കത്തിലൂടെയാണ് രോഗം സ്ഥിരീകരിച്ചത്. 8 പേരാണ് രോഗമുക്തി നേടിയത്. കണ്ണൂര് ജില്ലയില് നിന്നുള്ള 6 പേരുടേയും ഇടുക്കി ജില്ലയില് നിന്നുള്ള 2 പേരുടേയും പരിശോധനാഫലമാണ് ഇന്ന് നെഗറ്റീവ് ആയത്. ഇതോടെ 400 പേരാണ് ഇതുവരെ കോവിഡില് നിന്നും മുക്തി നേടിയത്. 96 പേരാണ് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
സംസ്ഥാനത്തെ വിവിധ ജില്ലകളിലായി 21,894 പേര് നിരീക്ഷണത്തിലാണ്. ഇവരില് 21,484 പേര് വീടുകളിലും 410 പേര് ആശുപത്രികളിലും നിരീക്ഷണത്തിലാണ്. 80 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 31,183 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 30,358 സാമ്പിളുകളുടെ പരിശോധനാഫലം നെഗറ്റിവ് ആണ്. ഇതുകൂടാതെ സെന്റിനല് സര്വയലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് തുടങ്ങിയ മുന്ഗണനാ ഗ്രൂപ്പില് നിന്ന് 2093 സാമ്പിളുകള് ശേഖരിച്ചതില് ലഭ്യമായ 1234 സാമ്പിളുകള് നെഗറ്റീവായി.
കഴിഞ്ഞ ദിവസം കോവിഡ് രോഗികള് ഇല്ലാത്തതിനാല് പുതിയ ഹോട്ട് സ്പോട്ടില്ല. ഇപ്പോള് 80 ഹോട്ട് സ്പോട്ടുകളാണുള്ളത്.