മമ്മൂട്ടി മികച്ച നടൻ; നടി വിൻസി അലോഷ്യസ്

സംസ്ഥാന ചലച്ചിത്ര പുരസ്കാരങ്ങൾ പ്രഖ്യാപിച്ചു. നൻപകൽ നേരത്ത് മയക്കം മികച്ച ചിത്രം. അറിയിപ്പ് എന്ന ചിത്രത്തിന് മഹേഷ് നാരായണൻ മികച്ച സംവിധായകനുള്ള അവാർഡ് സ്വന്തമാക്കി. മമ്മൂട്ടി മികച്ച നടൻ - ചിത്രം നൻപകൽ നേരത്ത് മയക്കം. രേഖ എന്ന ചിത്രത്തിലെ പ്രകടനത്തിന് വിൻസി അലോഷ്യസ് മികച്ച നടിക്കുള്ള അവാർഡ് നേടി. മികച്ച തിരക്കഥാകൃത്ത് രതീഷ്‌ ബാലകൃഷ്ണൻ പൊതുവാൾ, ചിത്രം 'ന്നാ താൻ കേസ് കൊട്'.

'അപ്പൻ ' സിനിമയിലെ പ്രകടനത്തിന് അലൻസിയർ ലെ ലോപ്പസിനും 'ന്നാ താൻ കേസ് കൊട് ' എന്ന ചിത്രത്തിന് കുഞ്ചാക്കോ ബോബനും പ്രത്യേക ജൂറി പരാമർശം ലഭിച്ചു. ബിശ്വജിത്ത് എസ്, രാരിഷ്‌ എന്നിവർക്ക് യഥാക്രമം ഇലവരമ്പ്‌, വേട്ടപ്പട്ടികളും ഓട്ടക്കാരും എന്നീ ചിത്രങ്ങൾക്ക് പ്രത്യേക ജൂറി പരാമർശം ലഭിച്ചു. 

സ്ത്രീ / ട്രാൻസ് ജൻഡർ വിഭാഗങ്ങൾക്കുള്ള പ്രത്യേക അവാർഡ് ശ്രുതി ശരണ്യം നേടി. ചിത്രം : ബി 32 മുതൽ 44  വരെ. 

മറ്റു പുരസ്‌കാരങ്ങൾ 

രണ്ടാമത്തെ ചിത്രം : അടിത്തട്ട്

ജനപ്രിയ ചിത്രം : ന്നാ താൻ കേസ് കൊട്

കുട്ടികളുടെ ചിത്രം : പല്ലൊട്ടി 90 's കിഡ്സ് 

മികച്ച നവാഗത സംവിധായകൻ : ഷാഹി കബീർ ( ഇലവീഴാപൂഞ്ചിറ )

കഥാകൃത്ത് : കമൽ കെ.എം ( പട )

സ്വഭാവ നടി : ദേവി വർമ (സൗദി വെള്ളക്ക)

സ്വഭാവ നടൻ : പി പി കുഞ്ഞികൃഷ്ണൻ (ന്നാ താൻ കേസ് കൊട്)

ബാലതാരം : തന്മയ സോൾ എ. ( വഴക്ക് )

ബാലതാരം : മാസ്റ്റർ ഡാവിഞ്ചി ( പല്ലൊട്ടി 90 's കിഡ്സ് )

അവലംബിത തിരക്കഥ : രാജേഷ് കുമാർ R (ഒരു തെക്കൻ തല്ലു കേസ്)

ഛായാഗ്രാഹകൻ : മനേഷ് മാധവൻ (ഇലവീഴാ പൂഞ്ചിറ), ചന്ദ്രു സെൽവരാജ്  (വഴക്ക് )

ഗാനരചയിതാവ് : റഫീക്ക് അഹമ്മദ്. 

സംഗീത സംവിധായകൻ : എം. ജയചന്ദ്രൻ (പത്തൊൻപതാം നൂറ്റാണ്ട് , ആയിഷ എന്നീ ചിത്രങ്ങളിലെ ഗാനങ്ങൾക്ക്)

പശ്ചാത്തല സംഗീതം : ഡോൺ വിൻസെന്റ് ( ന്നാ താൻ കേസ് കൊട്)

പിന്നണി ഗായിക : മൃദുല വാര്യർ (പത്തൊൻപതാം നൂറ്റാണ്ട്)

പിന്നണി ഗായകൻ : കപില്‍ കപിലൻ (പല്ലൊട്ടി 90സ് കിഡ്സ്). 

ചിത്ര സംയോജകൻ : നിഷാദ് യൂസഫ് ( തല്ലുമാല )

നൃത്ത സംവിധാനം : ഷോബി പോൾ രാജ് (തല്ലുമാല)

ശബ്ദമിശ്രണം : വിപിൻ നായർ ( ന്നാ താൻ കേസ് കൊട്) 

ശബ്ദ രൂപ കൽപന : അജയൻ അടാട്ട് ( ഇലവീഴാ പൂഞ്ചിറ)

സാംസ്‌കാരിക വകുപ്പ് മന്ത്രി സജി ചെറിയാനാണ് പുരസ്‌കാരങ്ങൾ പ്രഖ്യാപിച്ചത്. 2022 ലെ സംസ്ഥാന ചലച്ചിത്ര അവാർഡിനായി 154 ചിത്രങ്ങളാണ് വിവിധയിനങ്ങളിൽ മത്സരത്തിനുണ്ടായിരുന്നത്.