ഇന്ന് 111 പേര്ക്ക് കോവിഡ് സ്ഥിരീകരിച്ചു
ചികിത്സയിലുള്ളത് 973 പേര്
ഇന്ന് 5 പുതിയ ഹോട്ട് സ്പോട്ടുകള്
തിരുവനന്തപുരം : കേരളത്തില് 111 പേര്ക്ക് കൂടി വെള്ളിയാഴ്ച കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. പാലക്കാട് ജില്ലയില് നിന്നുള്ള 40 പേര്ക്കും, മലപ്പുറം ജില്ലയില് നിന്നുള്ള 18 പേര്ക്കും, പത്തനംതിട്ട ജില്ലയില് നിന്നുള്ള 11 പേര്ക്കും, എറണാകുളം ജില്ലയില് നിന്നുള്ള 10 പേര്ക്കും, തൃശ്ശൂര് ജില്ലയില് നിന്നുള്ള 8 പേര്ക്കും, ആലപ്പുഴ, തിരുവനന്തപുരം ജില്ലകളില് നിന്നുള്ള 5 പേര്ക്ക് വീതവും, കോഴിക്കോട് ജില്ലയില് നിന്നുള്ള 4 പേര്ക്കും, വയനാട്, ഇടുക്കി ജില്ലകളില് നിന്നുള്ള 3 പേര്ക്ക് വീതവും, കൊല്ലം ജില്ലയില് നിന്നുള്ള 2 പേര്ക്കും, കാസര്ഗോഡ്, കോട്ടയം ജില്ലകളില് നിന്നുള്ള ഓരോരുത്തര്ക്കുമാണ് രോഗം സ്ഥിരീകരിച്ചത്.
ഇതില് 50 പേര് വിദേശത്ത് നിന്നും 48 പേര് മറ്റ് സംസ്ഥാനങ്ങളില് നിന്നും വന്നതാണ്. 10 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 22 പേരുടെ പരിശോധനാഫലം നെഗറ്റീവ് ആയി. കാസര്ഗോഡ് ജില്ലയില് നിന്നുള്ള 7 പേര്ക്കും, തൃശ്ശൂര് ജില്ലയില് നിന്നുള്ള 5 പേര്ക്കും, ആലപ്പുഴ, എറണാകുളം ജില്ലകളില് നിന്നുള്ള 4 പേര്ക്ക് വീതവും, തിരുവനന്തപുരം, കോഴിക്കോട് ജില്ലകളില് നിന്നുള്ള ഓരോരുത്തരുടെയും പരിശോധനാഫലങ്ങളാണ് നെഗറ്റീവ് ആയത്. നിലവില് ആകെ 128 ഹോട്ട് സ്പോട്ടുകളാണ് ഉള്ളത്.