മാസ്റ്റര് ട്രെയിനര്മാരെ തെരഞ്ഞെടുക്കുന്നു
തിരുവനന്തപുരം: കേരളാ ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷനില് (കൈറ്റ്) മാസ്റ്റര് ട്രെയിനര്മാരെ തിരഞ്ഞെടുക്കുന്നു. ഹയര് സെക്കന്ഡറി - വൊക്കേഷണല് ഹയര്സെക്കന്ഡറി/ ഹൈസ്കൂള്/ പ്രൈമറി സ്കൂള് അധ്യാപകര്ക്ക് അപേക്ഷിക്കാം. എയിഡഡ് മേഖലയില് നിന്നുള്ള അപേക്ഷകര് സ്കൂള് മാനേജരില് നിന്നുള്ള നിരാക്ഷേപ സാക്ഷ്യപത്രം അഭിമുഖ സമയത്ത് സമര്പ്പിക്കണം.
ഹൈസ്ക്കൂള്തലം വരെയുള്ള അപേക്ഷകര്ക്ക് ഫിസിക്സ്, കെമിസ്ട്രി, ബയോളജി, ഗണിതം, സോഷ്യല് സയന്സ്, ഭാഷാ വിഷയങ്ങള് എന്നിവയില് ഏതെങ്കിലും ഒന്നില് ബിരുദവും ബി.എഡും കമ്പ്യൂട്ടര് പ്രാവീണ്യവും ഉണ്ടായിരിക്കണം. പ്രവര്ത്തന പരിചയമുള്ള കമ്പ്യൂട്ടര് നിപുണരായ അധ്യാപകര്ക്കും സ്കൂള് ഐ.ടി/ ഹയര് സെക്കന്ററി സ്കൂള് ഐ.ടി./ പി.എസ്.ഐ.ടി. കോഓര്ഡിനേറ്റര്/ കൈറ്റ് മാസ്റ്റര്/ കൈറ്റ് മിസ്ട്രസ്മാര്ക്ക് മുന്ഗണന ലഭിക്കും. ഒന്നുമുതല് പന്ത്രണ്ടുവരെ ക്ലാസുകളിലേയ്ക്കുള്ള ഡിജിറ്റല് വിഭവ നിര്മാണം, അധ്യാപക പരിശീലനം, വിദ്യാഭ്യാസ വകുപ്പിലെ ഇഗവേണന്സ് പ്രവര്ത്തനങ്ങള് തുടങ്ങി കൈറ്റ് നിര്ദ്ദേശിക്കുന്ന മറ്റ് ജോലികളും ചെയ്യാന് സന്നദ്ധരായവരാണ് അപേക്ഷിക്കേണ്ടത്. ഇപ്പോള് ജോലി ചെയ്യുന്ന റവന്യൂ ജില്ലയില് തന്നെ മാസ്റ്റര് ട്രെയിനര്മാരായി പ്രവര്ത്തിക്കാന് താത്പര്യമുള്ളവര്ക്ക് അപേക്ഷിക്കാം.
www.kite.kerala.gov.in ല് ഓണ്ലൈനായി 25ന് മുന്പ് അപേക്ഷ സമര്പ്പിക്കണം. തിരഞ്ഞെടുക്കപ്പെടുന്നവരെ കൈറ്റിന്റെ നിലവിലെ മാനദണ്ഡങ്ങള്ക്ക് വിധേയമായി വര്ക്കിംഗ് അറേഞ്ച്മെന്റ് വ്യവസ്ഥയില് നിയോഗിക്കും.