Sunday 18th of November 2018

നഗരസഭ ജാഗ്രതാസമിതി സ്ഥാപനങ്ങള്‍ സന്ദര്‍ശിച്ചു

Category: Wayanad
Published: Friday, 16 November 2018
വയനാട്: സുല്‍ത്താന്‍ ബത്തേരി നഗരസഭ ജാഗ്രതാസമിതിയുടെ നേതൃത്വത്തില്‍ അഞ്ചില്‍ കൂടുതല്‍ സ്ത്രീതൊഴിലാളികള്‍ സ്ഥിരമായി ജോലിചെയ്യുന്ന സ്ഥാപനങ്ങള്‍ സന്ദര്‍ശിച്ചു. ഫാക്ടറികള്‍, വസ്ത്രാലയങ്ങള്‍, ആശുപത്രികള്‍ തുടങ്ങിയവയില്‍ പരിശോധന നടത്തി സ്ത്രീ തൊഴിലാളികള്‍ക്ക് ഇരിപ്പിടം, വിശ്രമസ്ഥലം, ഭക്ഷണം കഴിക്കുന്നതിനുള്ള സൗകര്യം, പ്രാഥമിക ചികിത്സ ലഭ്യമാക്കല്‍ തുടങ്ങിയവ പരിശോധിച്ചു. അസൗകര്യങ്ങള്‍ ശ്രദ്ധയില്‍പെട്ട സ്ഥാപനങ്ങള്‍ക്ക് ന്യൂനതകള്‍ പരിഹരിക്കുന്നതിന് നോട്ടീസ് നല്‍കി.  ജാഗ്രതാസമിതി ചെയര്‍മാന്‍ ടി.എല്‍. സാബു, സ്ഥിരംസമിതി ചെയര്‍പേഴ്‌സണ്‍ പി.കെ. സുമതി, ഐ.സി.ഡി.എസ് സൂപ്പര്‍വൈസര്‍ ഇ.വി. സാലി, പി.എസ്. സജ്‌ന, മാഗി വിന്‍സെന്റ് തുടങ്ങിയവര്‍ നേതൃത്വം നല്‍കി.