Saturday 19th of January 2019

വിദ്യാര്‍ത്ഥികള്‍ക്ക് ഫര്‍ണ്ണിച്ചര്‍ വിതരണം ചെയ്തു

Category: Kozhikode
Published: Friday, 18 January 2019
കോഴിക്കോട്: ചെങ്ങോട്ട് കാവ് ഗ്രാമപഞ്ചായത്ത് 2018 - 19 വാര്‍ഷിക പദ്ധതിയിലുള്‍പ്പെടുത്തി പട്ടികജാതി വിദ്യാര്‍ത്ഥികള്‍ക്ക് ഫര്‍ണ്ണീച്ചര്‍ വിതരണം ചെയ്തു. ഗ്രാമപഞ്ചായത്ത് പ്രസിഡന്റ് കൂമുള്ളി കരുണാകരന്‍ പദ്ധതി ഉദ്ഘാടനം നിര്‍വഹിച്ചു. 30,000 രൂപ വകയിരുത്തി ആറ് കുട്ടികള്‍ക്കാണ് ഫര്‍ണീച്ചര്‍ നല്‍കിയത്. പഞ്ചായത്ത് സ്ഥിരം സമിതി അംഗങ്ങളായ കെ. ഗീതാനന്ദന്‍, ശശിധരന്‍ വി. കെ., ഗ്രാമപഞ്ചായത്ത് അംഗങ്ങളായ സാദിഖ് ടി. വി., ഹമീദ് വി. എം., പട്ടികജാതി പ്രമോട്ടര്‍ ലതിക തുടങ്ങിയവര്‍ പങ്കെടുത്തു.