Thursday 23rd of May 2019

സൂര്യാഘാതം കര്‍ശന നടപടിയുമായി തൊഴില്‍ വകുപ്പ്

Category: Ernakulam Published: Wednesday, 03 April 2019

 
 
കൊച്ചി: എറണാകുളം ജില്ലാ കളക്ടറുടെ നിര്‍ദ്ദേശ പ്രകാരം ജില്ലാ ലേബര്‍ ഓഫീസര്‍ (എന്‍ഫോഴ്സ്മെന്റ്) വി.ബി. ബിജുവിന്റെ നേതൃത്വത്തില്‍ നടന്ന വ്യാപക പരിശോധനയില്‍ സുരക്ഷാ മുന്‍കരുതലുകളൊന്നും സ്വീകരിക്കാതെയും തൊഴില്‍ സമയക്രമീകരണം പാലിക്കാതെയും നിര്‍മ്മാണം തുടര്‍ന്ന കാക്കനാട് സിവില്‍സ്റ്റേഷനു സമീപമുള്ള കണ്‍സ്ട്രക്ഷന്‍ സൈറ്റിന് സ്റ്റോപ്പ് മെമ്മോ നല്‍കി പണി നിര്‍ത്തിവയ്പ്പിച്ചു.
 
തൊഴില്‍ സമയക്രമീകരണം പാലിക്കാതെ റോഡ് ടാറിംഗ് പോലെയുളള ജോലികള്‍ നിര്‍ത്തിവയ്പിക്കുകയും ആയതിന് ഉത്തരവാദിത്തപ്പെട്ട അധികൃതര്‍ക്കെതിരെ ദുരന്ത നിവാരണ നിയമപ്രകാരം കേസ് രജിസ്റ്റര്‍ ചെയ്യുവാന്‍ ജില്ലാ കളക്ടര്‍ക്ക് ശുപാര്‍ശ നല്‍കുകയും ചെയ്തു.  
 
വെയിലത്ത് ജോലിചെയ്യേണ്ടിവരുന്ന സാഹചര്യം കണക്കിലെടുത്താണ് തൊഴില്‍വകുപ്പ് തൊഴില്‍ സമയം ക്രമീകരിച്ചത്. നിര്‍ദ്ദേശം കര്‍ശനമായി പാലിക്കുന്നുണ്ടെന്ന് ഉറപ്പ് വരുത്തുവാന്‍ വരും ദിവസങ്ങളില്‍ തുടര്‍ച്ചയായ പരിശോധന ഉണ്ടാകുമെന്ന് ജില്ലാ ലേബര്‍ ഓഫീസര്‍ (ഇ) വി.ബി. ബിജു അറിയിച്ചു. നിയമലംഘനങ്ങള്‍ ശ്രദ്ധയില്‍പ്പെട്ടാല്‍ 180042555214/ 155300/ 0484 2423110 എന്നീ നമ്പറുകളില്‍ വിളിച്ച് പരിഹാരം തേടേണ്ടതാണെന്നും ജില്ലാ ലേബര്‍ ഓഫീസര്‍ (ഇ) വി.ബി. ബിജു അറിയിച്ചു.