Monday 22nd of April 2019

മത്സ്യത്തൊഴിലാളി കടാശ്വാസത്തിന് അപേക്ഷിക്കാം

Category: Press Release
Published: Saturday, 09 March 2019
തിരുവനന്തപുരം: 2008 ഡിസംബര്‍ 31 വരെ മത്സ്യത്തൊഴിലാളികള്‍ വിവിധ ആവശ്യങ്ങള്‍ക്കായി എടുത്ത വായ്പകള്‍ക്കും, 2007 ഡിസംബര്‍ 31 വരെ എടുത്ത വായ്പകളില്‍ കടാശ്വാസത്തിന് നിശ്ചിത തിയതിക്കകം അപേക്ഷ സമര്‍പ്പിക്കാന്‍ കഴിയാത്തവര്‍ക്കും കടാശ്വാസത്തിനുള്ള പുതിയ അപേക്ഷ സമര്‍പ്പിക്കുന്നതിന് സര്‍ക്കാര്‍ ഉത്തരവായി. ചട്ടപ്രകാരമുള്ള ലഘൂകരിച്ച അപേക്ഷ ഫോമിന്റെ മാതൃകയും സര്‍ക്കാര്‍ അംഗീകരിച്ചു.
അപേക്ഷയുടെ മാതൃക (ഫോം  സി) www.fisheries.kerala.gov.in ല്‍ പ്രസിദ്ധപ്പെടുത്തിയിട്ടുണ്ട്. അര്‍ഹരായ മത്സ്യത്തൊഴിലാളികള്‍ അപേക്ഷാ ഫോം ഡൗണ്‍ലോഡ് ചെയ്ത് പൂരിപ്പിച്ച് നിര്‍ദ്ദിഷ്ട രേഖകള്‍ സഹിതം മാര്‍ച്ച് 31 നകം സെക്രട്ടറി, കേരള മത്സ്യത്തൊഴിലാളി കടാശ്വാസ കമ്മീഷന്‍, റ്റി.സി. 11/8842, നളന്ദ റോഡ്, നന്തന്‍കോട്, കവടിയാര്‍ പി.ഒ. തിരുവനന്തപുരം - 695003 (ഫോണ്‍: 0471 2312010) എന്ന വിലാസത്തില്‍ ലഭിക്കണം.