Thursday 21st of March 2019

സിഡിറ്റില്‍ മാറ്റ്‌ലാബ് പരിശീലനത്തിന് അപേക്ഷ ക്ഷണിച്ചു

Category: Press Release
Published: Friday, 15 March 2019
 
പട്ടികജാതി വികസന വകുപ്പിനു വേണ്ടിസിഡിറ്റ് നടപ്പിലാക്കുന്ന സൈബര്‍ശ്രീ സെന്ററില്‍ മാറ്റ്‌ലാബ് പരിശീലനത്തിന് അപേക്ഷ ക്ഷണിച്ചു. തിരുവനന്തപുരം അംബേദ്കര്‍ ഭവനില്‍ ഏപ്രില്‍ മാസം ആരംഭിക്കുന്ന പരിശീലനത്തിന് 20നും 26നും മധ്യേ പ്രായമുള്ള പട്ടികജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. നാലുമാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കല്‍, കംപ്യൂട്ടര്‍ സയന്‍സ്, ഐ.ടി., അപ്ലൈഡ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം/ എം.സി.എ പാസായവര്‍ക്കും പ്രസ്തുത കോഴ്‌സുകള്‍ പൂര്‍ത്തീകരിച്ചവര്‍ക്കും ബി.എസ്.സി കംപ്യൂട്ടര്‍ സയന്‍സ്/ഇലക്‌ട്രോണിക്‌സ്  പാസായവര്‍ക്കുംഅപേക്ഷിക്കാം.  പ്രതിമാസം 5000 രൂപ സ്‌റ്റൈപന്റ് ലഭിക്കും. വിശദവിവരങ്ങളും അപേക്ഷാഫോറവും www.cybesrri.org എന്ന വെബ്‌സൈറ്റില്‍ ലഭിക്കും. വിദ്യാഭ്യാസയോഗ്യത, വയസ്, ജാതി എന്നിവ തെളിയിക്കുന്നതിനുള്ള ശരിപ്പകര്‍പ്പും  അപേക്ഷയും ഈ മാസം 25ന് മുമ്പ് സൈബര്‍ശ്രീ സെന്റര്‍,അംബേദ്കര്‍ഭവന്‍, മണ്ണന്തലപി.ഒ., തിരുവനന്തപുരം695015 എന്ന വിലാസത്തില്‍ ലഭിക്കണം. അപേക്ഷയും മറ്റ്‌രേഖകളും This email address is being protected from spambots. You need JavaScript enabled to view it. എന്ന വിലാസത്തിലേക്ക് ഇമെയില്‍ അയയ്ക്കാം.  ഫോണ്‍: 8281627887, 9947692219.
a