Saturday 17th of November 2018

ജേണലിസ്റ്റ് ഇന്റേണാകാന്‍ അവസരം

Category: Press Release
Published: Friday, 16 November 2018
ആലപ്പുഴ: കുടുബശ്രീ ജില്ല മിഷന്‍ കോഓര്‍ഡിനേറ്ററുടെ കാര്യാലയത്തില്‍ ആറു മാസത്തേക്ക് ജേണലിസ്റ്റ് ഇന്റേണായി പ്രവര്‍ത്തിക്കാന്‍ താല്‍പര്യമുള്ളവരില്‍  നിന്ന് അപേക്ഷ ക്ഷണിച്ചു. യോഗ്യത സര്‍ക്കാരിന്റെ കീഴിലുള്ള ഇന്‍സ്റ്റിറ്റ്യൂട്ടുകള്‍, പ്രസ് ക്ലബിന്റെ കീഴിലുള്ള ഇന്‍സ്റ്റിറ്റ്യൂട്ടുകള്‍,   അംഗീകൃത യൂണിവേഴ്‌സിറ്റികള്‍ക്ക് കീഴിലുള്ള ഇന്‍സ്റ്റിറ്റ്യൂട്ടുകള്‍ എന്നിവിടങ്ങളില്‍ നിന്ന് 2017-18ല്‍ ജേണലിസം ബിരുദം/ബിരുദാനന്തര ബിരുദം വിജയിച്ചവരായിരിക്കണം. പ്രവര്‍ത്തി പരിചയം നിര്‍ബന്ധമല്ല. ഇംഗ്ലീഷ് ഭാഷയില്‍ പ്രാവീണ്യമുള്ളവര്‍ക്ക് മുന്‍ഗണന. പ്രായപരിധി 20-30 മധ്യേ. അപേക്ഷകള്‍ സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം പ്രായം, യോഗ്യത, പ്രവര്‍ത്തിപരിചയം(ഉണ്ടെങ്കില്‍)  ജില്ല മിഷന്‍ കോഓര്‍ഡിനേറ്റര്‍, കുടുംബശ്രീ വലിയ കുളം, ആലപ്പുഴ-688001 എന്ന വിലാസത്തില്‍ ഡിസംബര്‍ 10ന് വൈകിട്ട് അഞ്ചിനകം ലഭിക്കണം. അപേക്ഷ ഫോറത്തിന്റെ മാതൃക www.kudumbsaree.com എന്ന വെബ്‌സൈറ്റിന്റെ കരിയേഴ്‌സ് എന്ന വിഭാഗത്തില്‍ ലഭിക്കും. ഫോണ്‍: 04772254104.