Saturday 15th of December 2018

പട്ടികജാതി വികസന വകുപ്പിന്റെ ദക്ഷിണേന്ത്യന്‍ പഠനപര്യടനയാത്ര തുടങ്ങി

Category: Press Release
Published: Saturday, 15 December 2018
തിരുവനന്തപുരം : പട്ടികജാതി വികസന വകുപ്പിന്റെ ആഭിമുഖ്യത്തില്‍ ദക്ഷിണേന്ത്യന്‍ പഠനയാത്ര പുറപ്പെട്ടു. വകുപ്പിന്റെ 18 പോസ്റ്റ്‌മെട്രിക് ഹോസ്റ്റലുകളിലെ 60 വിദ്യാര്‍ത്ഥികളാണ് പങ്കെടുക്കുന്നത്. കെ.റ്റി.ഡി.സി യുടെ  മൂന്ന്  എ.സി. ബസ്സുകളിലായുള്ള യാത്രയില്‍ 30 ആണ്‍കുട്ടികളും 30 പെണ്‍കുട്ടികളും ഉള്‍പ്പെടുന്നു. വകുപ്പിലെ 10 ഉദ്യോഗസ്ഥരും ഇവരെ അനുഗമിക്കുന്നുണ്ട്.  കേരളം, കര്‍ണാടകം, തമിഴ്‌നാട്, ഗോവ, തെലുങ്കാന, ആന്ധ്രാപ്രദേശ് തുടങ്ങിയ സംസ്ഥാനങ്ങളിലെ ചരിത്രപ്രാധാന്യമുള്ള സ്ഥലങ്ങളും മറ്റ് ടൂറിസ്റ്റ് കേന്ദ്രങ്ങളും സംഘം സന്ദര്‍ശിക്കും.
     പഠനയാത്ര പട്ടികജാതി വികസനവകുപ്പ് ഡയറക്ടര്‍ പി.എം. അലി അസ്ഗര്‍ പാഷ ഫഌഗ് ഓഫ് ചെയ്തു. ജോയിന്റ് ഡയറക്ടര്‍ എം. നജിം, വകുപ്പിലെ ഉദ്യോഗസ്ഥര്‍ എന്നിവര്‍ ചടങ്ങില്‍ പങ്കെടുത്തു. 10 വര്‍ഷമായി മുടങ്ങിക്കിടന്ന പഠനപര്യടനയാത്ര ഈ വര്‍ഷമാണ് പുനരാരംഭിച്ചത്.