Thursday 23rd of May 2019

മേട്രന്‍-കം -റസിഡന്റ് ട്യൂട്ടര്‍ നിയമനം

Category: Press Release
Published: Thursday, 23 May 2019
 
 
കാക്കനാട്: പട്ടികജാതി വികസന വകുപ്പിന്റെ കീഴില്‍ ജില്ലയില്‍ പ്രവര്‍ത്തിക്കുന്ന മലയാറ്റൂര്‍, ഏഴിക്കര എന്നിവിടങ്ങളിലെ ആണ്‍കുട്ടികളുടെ ഗവ. പ്രീമെട്രിക് ഹോസ്റ്റലുകളിലും പെരുമ്പാവൂര്‍, പറവൂര്‍, മൂവാറ്റുപുഴ എന്നിവിടങ്ങളിലെ പെണ്‍കുട്ടികളുടെ ഗവ. പ്രീമെട്രിക് ഹോസ്റ്റലുകളിലും മേട്രന്‍- കം - റസിഡന്റ് ട്യൂട്ടര്‍മാരെ കരാര്‍ അടിസ്ഥാനത്തില്‍ നിയമിക്കുന്നു.
 
1.1.2019 ല്‍ 40 വയസ് കവിയാത്ത ബിരുദവും ബി.എഡുമുള്ള പട്ടികജാതി വിഭാഗത്തില്‍പെട്ട ഉദ്യോഗാര്‍ത്ഥികള്‍ക്ക് അപേക്ഷിക്കാം. 12000 രൂപ പ്രതിമാസ ഹോണറേറിയം ലഭിക്കും. വൈകിട്ട് 4 മുതല്‍ രാവിലെ 8 വരെയാണ് പ്രവര്‍ത്തി സമയം. വെള്ളക്കടലാസില്‍ തയാറാക്കിയ അപേക്ഷയോടൊപ്പം ജാതി, ജനന തീയതി, യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം ഈ മാസം 31ന് വൈകിട്ട് 5ന് മുമ്പായി ജില്ലാ പട്ടികജാതി വികസന ഓഫീസില്‍ ലഭിക്കണം. ആണ്‍ കുട്ടികളുടെ ഹോസ്റ്റലില്‍ പുരുഷ ജീവനക്കാരേയും പെണ്‍കുട്ടികളുടേതില്‍ സ്ത്രീ ജീവനക്കാരേയുമാണ് നിയമിക്കുന്നത്. കൂടുതല്‍ വിവരങ്ങള്‍ക്ക് 0484- 2422256