Saturday 17th of November 2018

പയ്യന്നൂര്‍ മള്‍ട്ടിപര്‍പ്പസ് സ്‌റ്റേഡിയം: ഒന്നാം ഘട്ടത്തിന് കിഫ്ബിയുടെ ഭരണാനുമതി

Category: Sports
Published: Friday, 26 October 2018
കണ്ണൂര്‍ : 2017-18 വര്‍ഷത്തെ ബജറ്റില്‍ കേരള സര്‍ക്കാര്‍ പയ്യന്നൂരില്‍ അനുവദിച്ച  മള്‍ട്ടി പര്‍പ്പസ് സ്റ്റേഡിയത്തിന്റെ  ഒന്നാംഘട്ട  പ്രവര്‍ത്തനത്തിനായി കിഫ്ബിയില്‍നിന്നും 12 കോടി 57 ലക്ഷം രൂപയുടെ ഭരണാനുമതിയായതായി  സി.കൃഷ്ണന്‍ എം എല്‍ എ  അറിയിച്ചു.
വോളി ബോള്‍, ബാസ്‌ക്കറ്റ്, ഷട്ടില്‍ കോര്‍ട്ടുകള്‍ ഉള്‍പ്പെട്ട ഇന്‍ഡോര്‍ സ്റ്റേഡിയം, ഡ്രസിങ് റൂം അടക്കമുള്ള ആധുനിക നീന്തല്‍ക്കുളം, ഫുട്‌ബോള്‍ സ്റ്റേഡിയം, ട്രാക്ക് ഫീല്‍ഡ്, പവലിയന്‍ ഗ്യാലറി, ടൂ വീലര്‍ഫോര്‍ വീലര്‍ വാഹനങ്ങള്‍ക്കുള്ള പ്രത്യേകം പാര്‍ക്കിങ്ങ് ഏരിയ എന്നിവ ഈ പദ്ധതിയില്‍  ഉള്‍കൊള്ളുന്നു. പയ്യന്നൂര്‍ പുതിയ ബസ്സ്റ്റാന്റ് പരിസരത്തെ മുനിസിപ്പാലിറ്റിയുടെ അധീനതയിലുള്ള 10.45 ഏക്കര്‍  സ്ഥലത്താണ് സ്റ്റേഡിയം നിര്‍മ്മിക്കുന്നത് . ഒരു വര്‍ഷത്തിനുള്ളില്‍ പദ്ധതി പൂര്‍ത്തിയാക്കാനാകും. പൊതുമേഖലാ സ്ഥാപനമായ കിറ്റ്‌കോയാണ് പദ്ധതി തയ്യാറാക്കിയത്.