Friday 18th of January 2019

സുബ്രതോ കപ്പ് : കേരളം സെമിയില്‍

Category: Sports
Published: Thursday, 15 November 2018
 
ന്യൂഡെല്‍ഹി:  ഡല്‍ഹിയില്‍ നടക്കുന്ന സുബ്രതോ കപ്പ് അണ്ടര്‍ 17 അന്തര്‍ ദേശീയ ഫുട്ബോള്‍ ടൂര്‍ണ്ണമെന്റില്‍ കേരളം സെമിയില്‍ പ്രവേശിച്ചു. ഡല്‍ഹിയിലെ ന്യൂ വെല്ലിങ്ടെന്‍ ക്യാമ്പ് ഗ്രൗണ്ടില്‍ നടന്ന ക്വാര്‍ട്ടര്‍ ഫൈനലില്‍ കരുത്തരായ റിലയന്‍സ് മുംബൈയെ എതിരില്ലാത്ത രണ്ടു ഗോളിനാണ് കേരളം പരാജയപ്പെടുത്തിയത്. 
 
കേരളത്തെ പ്രതിനിധീകരിക്കുന്നത് ചേലേമ്പ്ര എന്‍.എന്‍.എം.എച്ച്.എസ്സ്.എസ്സ് സ്‌കൂളിലെ കുട്ടികളാണ്. കളിയിലുടനീളം മേധാവിത്വം പ്രകടിപ്പിച്ച കേരള ടീമിനെ ഒന്നാം പകുതിയുടെ 33 മിനുട്ടില്‍ ക്യാപ്റ്റന്‍ ബാവു നിഷാദ് അതിമനോഹരമായ ഗോളിലൂടെ മുന്നിലെത്തിച്ചു. രണ്ടാം പകുതിയില്‍ 54 മിനുട്ടില്‍ അക്ഷയ് മണിയെ ഫൗള്‍ ചെയ്തതിനു കിട്ടിയ ഫ്രീ കിക്ക് അക്ഷയ് തന്നെ ഗോളാക്കി മാറ്റുകയും ചെയ്തു.