Sunday 24th of February 2019

സീനിയര്‍ അത്‌ലറ്റിക്‌സ്: കേരളത്തിന് കിരീടം

Category: Sports
Published: Tuesday, 14 July 2015
 
ചെന്നൈ: ദേശീയ സീനിയര്‍അത്‌ലിറ്റിക്‌സില്‍ കേരളത്തിന് കിരീടം. 177.5 പോയിന്റാണ് കേരള താരങ്ങള്‍ നേടിയത്. അവസാന ദിനം ഒരു സ്വര്‍ണവും ഏഴ് വെള്ളിയും ഒരു വെങ്കലവും നേടിയാണ് കേരളം കിരീടം ഉറപ്പിച്ചത്. വനിതകളുടെ 400 മീറ്റര്‍ റിലേയില്‍ ഷര്‍ബാന സിദ്ദിഖ്, ജിസ്‌ന മാത്യു, ആര്‍.അനു, ടിന്റു ലൂക്ക എന്നിവരടങ്ങിയ ടീമാണ് അവസാനദിനം സ്വര്‍ണം നേടിയത്. പുരുഷന്മാരുടെ പതിനായിരം മീറ്ററില്‍ ടി.ഗോപി, വനിതകളുടെ 400 മീറ്ററില്‍ ജിസ്‌ന മാത്യു , വനിതകളുടെ 100 മീറ്ററില്‍ കെ.വി.സജിത, പുരുഷന്മാരുടെ 110 മീറ്റര്‍ ഹര്‍ഡില്‍സില്‍ ടിന്റോ മാത്യു, വനിതകളുടെ ഹെപ്റ്റാത്തലണില്‍ ലിക്‌സി ജോസഫ്, വനിതകളുടെ 1500 മീറ്ററില്‍ പി.യു.ചിത്ര, പുരുഷന്മാരുടെ 1500 മീറ്ററില്‍ ജിന്‍സണ്‍ ജോണ്‍സണ്‍ എന്നിവരാണ് കേരളത്തിനുവേണ്ടി വെള്ളി നേടിയത്. വനിതകളുടെ ഹെപ്റ്റാത്തലണില്‍ നിക്‌സി ജോസഫാണ് വെങ്കലം നേടിയത്. 146 പോയിന്റ് നേടിയ തമിഴ്‌നാട് രണ്ടാം സ്ഥാനവും 137 പോയിന്റോടെ ഹരിയാണ മൂന്നാമതുമായി.