Wednesday 19th of December 2018

മദ്യപിച്ച് വാഹനമോടിച്ചു: ജയിംസ് ഫോക്നര്‍ക്ക് നാലു മത്സരങ്ങളില്‍ വിലക്ക്

Category: Sports
Published: Thursday, 16 July 2015
മെല്‍ബണ്‍:മദ്യപിച്ച് വാഹനമോടിച്ചതിന് ബ്രിട്ടനില്‍ പൊലീസ് പിടിയിലായി കുറ്റംചാര്‍ത്തപ്പെട്ട ആസ്ട്രേലിയന്‍ ഓള്‍റൗണ്ടര്‍ ജയിംസ് ഫോക്നര്‍ക്ക് ക്രിക്കറ്റ് ആസ്ട്രേലിയ നാലു മത്സരങ്ങളില്‍ വിലക്കേര്‍പ്പെടുത്തി. അടുത്ത മാസം അയര്‍ലന്‍റിനെതിരെ നടക്കുന്ന ഒരു ഏകദിനവും ഒരു ട്വന്‍റി20യും സെപ്റ്റംബറില്‍ ഇംഗ്ളണ്ടിനെതിരെ നടക്കുന്ന ഏകദിന പരമ്പരയിലെ ആദ്യ രണ്ടു മത്സരങ്ങളും ഫോക്നര്‍ക്ക് നഷ്ടമാകും. ക്രിക്കറ്റ് ആസ്ട്രേലിയയെ പ്രതിനിധാനംചെയ്യുന്ന ഒരാള്‍ പാലിക്കേണ്ട ചട്ടങ്ങള്‍ ലംഘിച്ചതിനാണ് നടപടിയെന്ന് ബോര്‍ഡ് വ്യക്തമാക്കി. താരത്തിന് വിലക്ക് ലഭിക്കുമെന്ന് നേരത്തേതന്നെ വ്യക്തമായതിനെ തുടര്‍ന്ന് ആസ്ട്രേലിയയുടെ ട്വന്‍റി20, ഏകദിന പരമ്പരകള്‍ക്കായി ഫോക്നറെ പരിഗണിച്ചിരുന്നില്ല. ഇംഗ്ളീഷ് കൗണ്ടി ക്ളബായ ലങ്കാഷെയറിനായി കളിക്കാനത്തെിയ സമയത്താണ് താരം പിടിയിലായത്. കുറ്റം ഏറ്റ് പറഞ്ഞ് ശിക്ഷ അംഗീകരിച്ച ഫോക്നര്‍ മദ്യഉപയോഗം നിര്‍ത്തുന്ന്ത് സംബന്ധിച്ച കൗണ്‍സിലിങ്ങിലും പങ്കെടുക്കും.