Saturday 19th of January 2019

നെഹ്റു യുവ കേന്ദ്ര ജില്ലാ കായികമേള സമാപിച്ചു

Category: Sports
Published: Monday, 07 January 2019
പാലക്കാട് : നെഹ്റു യുവകേന്ദ്രയുടെ ജില്ലാ തല കായിക മേളയില്‍ ഫുട്ബോളില്‍ മണ്ണാര്‍ക്കാട് പാലക്കാഴി ബ്ലേസ് ക്ലബ് ഷൂട്ട്ഔട്ടില്‍ മൂന്നിനെതിരെ അഞ്ച് ഗോളുകള്‍ക്ക് തൃത്താല എഞ്ചീനിയര്‍ റോഡ് ഗാലക്സി ക്ലബിനെ പരാജയപ്പെടുത്തി ചാംപ്യന്‍മാരായി. വോളിബോളില്‍ നേരിട്ടുള്ള രണ്ട് സെറ്റുകള്‍ക്ക് ചാത്തന്‍കാവ് സ്പോര്‍ട്സ് ക്ലബ് അട്ടപ്പാടി ഹില്‍സ്റ്റാര്‍ ക്ലബിനെ പരാജയപ്പെടുത്തി. സ്‌കോര്‍ 25-23, 25-23. ഷട്ടില്‍ ടൂര്‍ണമെന്റ് ഡബിള്‍ മത്സരത്തില്‍ നെന്മാറ ആക്റ്റീവ് ബോയസ് ക്ലബ് ഒന്നിനെതിരെ രണ്ട് സെറ്റുകള്‍ക്ക് ചാത്തന്‍കാവ് സ്പോര്‍ട്സ് ക്ലബിനെ പരാജയപ്പെടുത്തി.
 
മുണ്ടൂര്‍ യുവ ക്ഷേത്ര കോളെജ് ഗ്രൗണ്ടില്‍ നടന്ന വോളിബോള്‍ മത്സരങ്ങള്‍ സ്പോര്‍ട്സ് കൗണ്‍സില്‍ പ്രസിഡന്റ് ടി.എന്‍ കണ്ടമുത്തനും നൂറണി ടര്‍ഫ് ഗ്രൗണ്ടില്‍ നടന്ന ഫുട്ബോള്‍ മത്സരങ്ങള്‍ ജില്ലാ പഞ്ചായത്ത് പ്രസിഡന്റ് അഡ്വ.കെ.ശാന്തകുമാരിയും ഉദ്ഘാടനം ചെയ്തു. സമാപന സമ്മേളനത്തില്‍ ജില്ലാ യൂത്ത് കോഡിനേറ്റര്‍ എം.അനില്‍കുമാര്‍ വിജയികള്‍ക്ക് ട്രോഫികള്‍ വിതരണം ചെയ്തു. ജില്ലാ ഫുട്ബോള്‍ അസോസിയേഷന്‍ ജോയിന്റ് സെക്രട്ടറി അനില്‍, പ്രിയേഷ്, കെ വിനോദ്  കുമാര്‍, എന്‍.കര്‍പ്പകം, ജി.സുകന്യ, സിയാദ് തൃത്താല സംസാരിച്ചു.