ലൈസന്സുള്ള സ്ഥാപനങ്ങളില് നിന്നുമാത്രം ഷവര്മ്മ കഴിക്കുക
Category: Life Style
Published: Tuesday, 02 October 2018

ഷവര്മ്മ നിര്മ്മിക്കുന്നതിനായി ശുദ്ധമായതും ഗുണമേന്മയുള്ളതും ഫ്രഷ് ആയി ലഭിച്ചതുമായ ചിക്കന്/ബീഫ് എന്നിവയേ സ്ഥാപനങ്ങള് ഉപയോഗിക്കാവൂ. ചിക്കന്/ബീഫ് വാങ്ങിയ ഉടന് കഴുകി വൃത്തിയാക്കി സ്റ്റീല് പാത്രത്തില് മൈനസ് 18 ഡിഗ്രി സെല്ഷ്യസ് ഊഷ്മാവില് ഫ്രീസറില് സൂക്ഷിക്കുക. ഷവര്മ്മ തയ്യാറാക്കാനായി ചിക്കന്/ബീഫ് രണ്ട് മണിക്കൂര് മുന്പ് മാത്രം ഫ്രീസറില് നിന്ന് പുറത്തെടുത്ത്, ചൂടാക്കി പരമാവധി വേവിച്ച് 70 ഡിഗ്രി സെല്ഷ്യസില് പാകം ചെയ്ത് നല്കുക. ഷവര്മ്മ തയ്യാറാക്കി ഒരു മണിക്കൂറിനുള്ളില്, ഷവര്മ്മയ്ക്കുളള മയോനൈസ്, മുട്ടയുടെ വെള്ള, വെളുത്തുള്ളി പേസ്റ്റ് എന്നിവ ചേര്ത്ത് തയ്യാറാക്കുക. ഒരു കാരണവശാലും ഷവര്മ്മ മയോനൈസ് ബാക്കി വരുന്നത് അടുത്ത ദിവസം വീണ്ടും ഉപയോഗിക്കാതിരിക്കുക.
പാകം ചെയ്ത മാംസാഹാരം മൂന്ന് മണിക്കൂര് കൂടുതല് പുറത്ത് അന്തരീക്ഷ ഊഷ്മാവില് സൂക്ഷിക്കാതിരിക്കുക. കൂടുതല് സമയം ഉപയോഗിക്കണമെങ്കില് 70 ഡിഗ്രി സെല്ഷ്യസില് തുടര്ച്ചയായി ചൂടാക്കി ഉപയോഗിക്കുക. അല്ലാത്ത പക്ഷം ഫ്രീസറില് സൂക്ഷിക്കുക.