Friday 18th of January 2019

പാറശാല മണ്ഡലത്തിലെ നവീകരിച്ച മൂന്നു റോഡുകള്‍ നാടിനു സമര്‍പ്പിക്കും

Category: Thiruvananthapuram
Published: Wednesday, 16 January 2019
തിരുവന്തപുരം :  പാറശാല മണ്ഡലത്തിലെ നവീകരിച്ച മൂന്നു റോഡുകള്‍ ഇന്നു നാടിനു സമര്‍പ്പിക്കും. ചായ്‌ക്കോട്ടുകോണം മഞ്ചവിളാകം  കുന്നത്തുകാല്‍ റോഡ്, പെരുങ്കിടവിള  കുന്നത്തുകാല്‍ റോഡ്, കുട്ടപ്പു  അമ്പൂരി  നെയ്യാര്‍ഡാം റോഡിന്റെ ഒന്നാം ഘട്ടം എന്നിവയാണ് ഇന്ന് ഉദ്ഘാടനം ചെയ്യുന്നത്. പൊതുമരാമത്ത് മന്ത്രി ജി. സുധാകരന്‍     മൂന്നു റോഡുകളുടേയും ഉദ്ഘാടന കര്‍മം നിര്‍വഹിക്കും.
 
ബി.എം.ബി.സി ടാറിങ് നടത്തിയാണു മൂന്നു റോഡുകളും നവീകരിച്ചത്. കുട്ടപ്പു  അമ്പൂരി  നെയ്യാര്‍ഡാം റോഡിന്റെ ഉദ്ഘാടനം അമ്പൂരി ജങ്ഷനില്‍ ഇന്ന് (ജനുവരി 16) വൈകിട്ട് മൂന്നിനു നടക്കും. റോഡിന്റെ രണ്ടാഘട്ട നിര്‍മാണോദ്ഘാടനം ചടങ്ങില്‍ മന്ത്രി ജി. സുധാകരന്‍ നിര്‍വഹിക്കും. വൈകിട്ട് അഞ്ചിന് കുന്നത്തുകാല്‍ ജങ്ഷനിലാണ് പെരുങ്കിടവിള  കുന്നത്തുകാല്‍ റോഡിന്റെ ഉദ്ഘാടനം. 
 
വൈകിട്ട് ആറിന് മഞ്ചവിളാകം ജങ്ഷനില്‍ നടക്കുന്ന ചടങ്ങില്‍ ചായ്‌ക്കോട്ടുകോണം  മഞ്ചവിളാകം  കുന്നത്തുകാല്‍ റോഡും മന്ത്രി ഉദ്ഘാടനം ചെയ്യും. സി.കെ. ഹരീന്ദ്രന്‍ എം.എല്‍.എ. മൂന്ന് ചടങ്ങുകളിലും അധ്യക്ഷത വഹിക്കും.