Monday 22nd of April 2019

വോട്ടിംഗ് ശതമാനം ഉയര്‍ത്തുക ലക്ഷ്യം

Category: Thiruvananthapuram
Published: Friday, 12 April 2019
 
 
തിരുവനന്തപുരം: സംസ്ഥാനത്തെ വോട്ടിംഗ് ശതമാനം 90 ശതമാനത്തിനുമുകളില്‍ എത്തിക്കുകയാണ് ലക്ഷ്യമെന്ന് മുഖ്യതിരഞ്ഞെടുപ്പ് ഓഫീസര്‍ ടീക്കാറാം മീണ പറഞ്ഞു. എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ വോട്ടിംഗ് ബോധവത്കരണ പരിപാടി 'കാസ്റ്റ് യുവര്‍ വോട്ട്' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 
 
തിരഞ്ഞെടുപ്പില്‍ ജനങ്ങളുടെ പങ്കാളിത്തം വര്‍ധിപ്പിക്കാനായി തിരഞ്ഞെടുപ്പ് കമ്മീഷന്‍ വിവിധ ബോധവത്കരണ പരിപാടികള്‍ നടത്തിവരികയാണ്. 3.75 ലക്ഷം പുതുവോട്ടര്‍മാരാണ് പുതുതായി ഇതുവഴി വോട്ടര്‍പട്ടികയിലേക്ക് കടന്നുവന്നത്. നിഷ്പക്ഷവും സ്വതന്ത്രവുമായ തിരഞ്ഞെടുപ്പ് ഉറപ്പാക്കാനാണ് തിരഞ്ഞെടുപ്പ് കമ്മീഷന്‍ ശ്രമിക്കുന്നതെന്നും അദ്ദേഹം പറഞ്ഞു.
 
'കാസ്റ്റ് യുവര്‍ വോട്ട്' പരിപാടിയുടെ ഭാഗമായുള്ള പ്രചാരണ വാഹനവും അദ്ദേഹം ഫ്ളാഗ് ഓഫ് ചെയ്തു. കോളേജിലെ വിദ്യാര്‍ഥികള്‍ക്ക് ഇലക്ട്രോണിക് വോട്ടിംഗ് മെഷീന്റെയും വി.വി. പാറ്റിന്റെ പ്രവര്‍ത്തനങ്ങളും മുഖ്യ തിരഞ്ഞെടുപ്പ് ഓഫീസറുടെ നേതൃത്വത്തില്‍ വിശദീകരിച്ചുനല്‍കി. എല്‍.ബി.എസ് ഇന്‍സ്റ്റിറ്റ്യൂട്ട് പ്രിന്‍സിപ്പല്‍ ജയമോഹന്‍ ജെ, വിദ്യാര്‍ഥി അമ്പാസഡര്‍ ദേവിക, ദി ന്യൂ ഇന്ത്യന്‍ എക്സ്പ്രസ് റസിഡന്റ് എഡിറ്റര്‍ കിരണ്‍ പ്രകാശ്, ജനറല്‍ മാനേജര്‍ വിഷ്ണുകുമാര്‍ പങ്കെടുത്തു.